Siglir tar il cuntegn
Inhalt

Surselva Werner Nay ha sia figlia en il Nepal

Il terratrembel en il Nepal pertutga era famiglias dal Grischun. Uschia Werner Nay da Luven ch'ha sia figlia Hedi en quella regiun dal Nepal. Fin ussa sa el mo tant che sia figlia e ses cumpogn èn en salv. Ma sin els spetgia in viadi da trais dis a pe fin a Kathmandu.

Legende: Video Werner Nay ha sia figlia en il Nepal abspielen. Laufzeit 01:14 Minuten.
Or da Actualitad video dals 27.04.2015.

Sco quai che la figlia ha sincerà ier al telefon sajan els en segirtad, quitads faschevan sulettamain las punts destruidas sin il viadi enavos a Kathmandu.

La via enconuschan els gia. Quai è la medema via ch'els avevan fatg avant paucs dis en tschella direcziun. Els èn stads envidads ad ina nozza d’ina Svizra enconuschenta ch'ha maridà in Scherpa.

Ussa èn els sin viadi cun ina gruppa da var 15 persunas encunter Kathmandu. Werner Nay ha gronda fidanza en sia figlia e ses ami ch'èn omadus alpinists versads. La finamira è da cuntanscher Kathmandu fin venderdi, e da sgular enavos en Svizra.