«I n’ha betg duvrà lungas ponderaziuns per sa decider da far part a la 13avla exposiziun d’art ch'il Chor baselgia da Segnas ha organisà en chasa da scola a Segnas», di Walter Dick. El haja grond respect da persunas che fan en lur temp liber art e che han il curaschi da preschentar publicamain lur ovras.
«Mustér è sco ina secunda patria per mai»
Enconuschent è l’artist Walter Dick en Surselva pervi da ses maletgs da chasas, lieus e cuntradas en Surselva. Entras far militar en Surselva ed in da ses scolasts haja el chattà la fascinaziun per la Surselva ed il Grischun. Dapi passa 25 onns ha el ina abitaziun da vacanzas a Mustér, nua ch’el è tranter 3 e 4 mais per onn. «Mustér è sco ina secunda patria per mai», di Walter Dick.
Expositurs
Sper Walter Dick cun ses maletgs èn anc ulteriurs artists preschents a l'exposiziun en chasa da scola a Segnas.
- Felice Pacchioli, Rabius, creaziuns da fier
- Letizia Winzap-Monn, Falera, maletgs
- Stefanie Kälin, Laax, sculpturas da terracotga
- Linus Flepp, Mustér, maletgs
- Mario Lombris, Mustér, creaziuns da stgadellas da lain
