Siglir tar il cuntegn

Header

cuntegn

Surselva Waldhaus: 4'000 da 5'000 artitgels èn vendids

Ils davos dus dis hai dà bleras fatschas rientas che han bandunà il hotel Waldhaus a Flem. Las fatschas rientas hai dà perquai che mintgin che bandunava il hotel veva ina regurdientscha cun el.

audio
Bunura: Bilantscha da la vendita da mobigliar Waldhaus Flem
ord Actualitad dals 05.08.2016.
laschar ir. Durada: 3 minutas 18 Secundas.

La vendita da mobiglias è a fin. La bilantscha: 80% dals 5000 artitgels ch'eran en vendita èn vendids.

Buna fatschenta per tuts

Quants daners ch'èn vegnids incassads per questas mobiglias n'è betg sta d’eruir. Ina part dals daners vegnia en in fond per scolar il persunal, l’autra part vegn simplamain duvrada per cumpar mobiglias novas, ha ditg Peter Schoch il directur dal hotel Waldhaus.

Americans senza cultura

Schoch na lascha betg valair la reproscha ch'ils novs possessurs americans vendian ora la cultura dal Hotel Waldhaus. Sco el di sajan propi las pli bellas chaussas vegnidas messas en salv en il museum dal hotel Waldhaus e betg vendidas.

Mobiglias per la Ucraina

20% da las mobiglias ch'èn restadas regala il Waldhaus a la plaiv catolica da Flem. Sco quai che Wally Bäby Reinalter, la presidenta da la plaiv, ha ditg ad RTR, regalian els vinavant a l'Ucraina surtut letgs. Da lezs èn vanzads blers en las varga 150 chombras. La plaiv ha organisà gidanters per rumir las chombras. La rauba ord il hotel vegn transportada ad interim en ina garascha a Flem. Il transport en l'Ucraina vegn lura organisà pli tard.

RR actualitad 07:00

Artitgels legids il pli savens