Siglir tar il cuntegn

Header

Navigaziun

La via principala tras il vitg da Sedrun.
Legenda: La populaziun da Sedrun vul l'emprim collavurar cun las vischnancas vischinas e betg fusiunar. RTR, Linus Livers
cuntegn

Surselva Vuschs dal Tujetsch: Grondas resalvas envers il tema fusiun

Venderdi saira decida la radunanza da vischnanca da Tujetsch da l'iniziativa per lantschar contractivas da fusiun en la Cadi. Ina retschertga da RTR sin via mussa, che la gronda part da la populaziun è encunter l’iniziativa.

A la dumonda fusiunar in di la vischnanca da Tujetsch cun autras vischnancas è la resposta il pli savens in «na». Las opiniuns èn: «Quai na saja betg anc madir», «la vischnanca da Tujetsch possia exister senza ina fusiun», «las vischnancas lavurian bain ensemen era senza fusiunar».

Collavurar ed alura forsa fusiunar

«Il mument stuess ins probabel duvrar in auter pled che fusiun – collavuraziun. L’emprim collavurar intensivamain e forsa naschia ina fusiun ord quai, ma a lunga vista stoppia ina fusiun esser la finamira», ha ina persuna manegià.

Avantatg per il turissem

In um giuven crai dentant ch’ina fusiun pudess purtar avantatgs per il turissem, il center vegniss pli gronds e lavurar ensemen saja fitg impurtant, saja quai tranter ils giuvenils e persunas pli passadas.

RR actualitad 12:00