A Vrin è mardi saira mort in um da 78 onns suenter ch’el vuleva salvar ina nursa ch’era crudada en ina sfessa en ina stalla. Tar l’acziun da salvar la nursa è l’um sez crudà cun il chau avant en la sfessa tranter ina paraid e ballas da strom e restà fitgà, ha communitgà la polizia chantunala. Il disgrazià era vi da tgirar las nursas d’in pur ami. Suenter ch’el n’è betg turnà ha in enconuschent chattà el en stalla. Il medi d’urgenza ha dentant mo anc pudì constatar la mort.
Vrin Um mort durant tschertga d'ina nursa
Parter
RTR novitads 17:00
Parter