Siglir tar il cuntegn

Header

video
Laschar vaccinar uffants u betg? Ina dumonda che fatschenta bleras famiglias.
Or da Telesguard dals 07.01.2022.
laschar ir. Durada: 3 minutas 12 Secundas.
cuntegn

Virola d'uffants Stratgs vi e nà

Davent da damaun sonda pon ins laschar vaccinar el Grischun uffants tranter 5 e 11 onns. Per bleras famiglias il mument da decider tge far.

Era la famiglia Bearth da Rabius stat avant la decisiun sch'els vulan laschar vaccinar lur trais uffants. Per els è la situaziun dentant anc pli speciala, cunquai che lur figl Marc far part a la gruppa da ristg. Marc ha laschà transplantar cun dus onns in gnirunchel. Dapi la transplantaziun è la vita vegnida pli simplia per la famiglia ch'avant. Lura stueva Marc far di per di ina dialisa.

Mantegnair tanta normalitad sco pussaivel era en la situaziun actuala saja impurtont. Perquai èsi era cler per la famiglia che tuts uffants van di per di a scola. Era en la situaziun actuala cun autas cifras d’infecziuns.

Per pudair prender la decisiun da laschar vaccinar lur uffants, sa fida la famiglia dals cussegls da l’ospital d’uffants da Turitg che sajan ils experts. Gist oz han quels informà els ch'els cusseglian da laschar vaccinar tuts trais uffants.

RTR Telesguard 17:40

Artitgels legids il pli savens