Cun var 15'000 schuldads è Alexander Wassiljewitsch Suworow durant la campagna cunter ils franzos 1799 marschà dad Airolo fin a Glion – quai per arrivar tar ses alliads a l'Austria. Igl è stà in viadi per munts e vals fitg strapatschus. Vitiers eran vegnidas diversas battaglias – uschia ch'igl aveva dà blers morts. Quai è stà avant 220 onns.
Ils davos dis è sa repetì quest viadi sin la «Via Suworow». Per commemorar lur general ha ina gruppa russa fatg quai en unifurmas autenticas. Uschia han els vulì resentir quai ch'era capità da quel temp. Suenter il viadi sur il Pass da Pigniu è la gruppa arrivada a Pigniu. Là avevan era Suworow e sia truppa fermà l'onn 1799 e duvrà si tut las resursas e reservas dal vitg.
Telesguard 17:40