La via principala che passa sut il coc da Rueun vegn sanada. Quai ha communitgà la regenza grischuna. La via na correspundia betg pli als standards d’ozendi. La surstructura da la via e la punt sur il Schmuèr èn en in nausch stadi. Pervia da quai duai la via vegnir renovada ed engrondida.
En il medem mument vegn er la punt sur il Schmuèr remplazzada tras ina construcziun nova. Ultra da quai vegn la vischnanca ad optimar las fermadas da bus. L’entir project custa radund 6,5 milliuns francs.
audio
Per tadlar: Las novitads da las 10:00
ord Novitads dals 12.09.2019.
laschar ir. Durada: 3 minutas 19 Secundas.
RR novitads 10:00