Via libra per nov COOP a Glion

I na dat nagins recurs encunter la dumonda da bajegiar il nov center dal Coop en la zona da Grüneck a Glion.

Il nov bajetg dal Coop cun davanttiers in tancadi

Legenda da maletgs: Il nov bajetg vegn collià entras ina passarella cun il bajetg Bau und Hobby gia existent. mad

Emil Efinger il manader da la partiziun construcziun auta da la vischnanca da Glion ha confermà ad RTR ch'i na dettia nagins recurs encunter quest project. Cumpiglià en questa dumonda da bajegiar è era il stgarpar giu l'anteriura ustaria Grüneck. Las lavurs per il bajetg nov cumenzan la primavaira 2017. Il 2018 quinta Coop da pudair avrir la stizun nova.

Quest nov bajetg vegn a custar 25 milliuns francs. Il terren tutga a la Grüneck SA. La Grüneck SA da sia vart vul bajegiar in tancadi cun Shop gist davant il nov Coop.

RR novitads 10:00