Siglir tar il cuntegn

Header

Navigaziun

cuntegn

Surselva Via da Luven resta anc serrada

La via da Luven resta serrada, damai ch'ins ha tema ch'ina bova pudess vegnir giu e cuvrir la via. Il traffic vegn svià sur ina via da meglieraziun. Mesemna vegn giuditgà da nov la situaziun.

Clavà sin terren ch'è sa ruschnà.
Legenda: Il terren è anc adina en moviment, resta la via da Luven anc serrada. RTR, Reto Pfister

Cunquai ch'il terren saja anc adina en moviment e ch'ins stoppia quintar ch'i vegnia giu ina bova en la Val Pilac, restia la via da Luven er ils proxims dis serrada. Quai ha confermà Gian Claudio Legher da l'Uffizi da guaud e privels da la natira envers RTR. Sche tut il material da la bova giess en ina giada giu en la val, lura fissi pussaivel, che crappa u material vegnissan bittads sin la via. Gia il mardi era vegnì giu ina bova pli pitschna. Quella era dentant betg vegnida fin sin la via.

Il lieu da privel sa chatta en ina zona cotschna, uschia che la situaziun era gia enconuschenta. Chasas ed uschia er persunas n'èn betg pertutgadas. La zona periclitada vegn observada permanentamain tant da l'Uffizi per ils privels da la natira sco er da l'Uffizi da construcziun bassa.

RR novitads 12:00