Siglir tar il cuntegn

Header

cuntegn

Surselva Vent frestg per parc da vent Vorab

L'Arena Alva e la Flem Electric SA èn sco i para en discussiun cun in nov partenari, suenter che l'interpresa d'electricitad BKW aveva sa retratg dal project la fin dal 2015. Ins haja en pli puspè cumenzà a discutar cun il chantun vischin Glaruna.

audio
Mezdi: Parc da vent Vorab – Para chattà in nov partenari
ord Actualitad dals 25.04.2017.
laschar ir. Durada: 1 minuta 11 Secundas.

Glaruna aveva bloccà il project avant trais onns cunquai che quatter da las sis rodas da vent planisadas vegnissan sin territori glarunais. Sin quai aveva la BKW sa retratg dal project la fin dal 2015.

Uss saja il chantun Glaruna londervi da surlavurar il plan directiv rapporta il Schurnal regiunal da radio SRF. Quel aveva numnadamain scumandà da fabritgar las rodas da vent sin la cresta dal Vorab. Tar l'Arena Alva e la Flem Electric SA sveglia quai novas speranzas. Ins saja en contact cun Glaruna ha Martin Maron, directur da Flem Electric confermà.

Nov partenari

En pli sajan ins en contact cun in nov partenari, ha Maron ditg. Dapli na veglia el anc betg tradir, ins saja anc en contractivas.

Il parc da vent sin il Vorab prevesa sis rodas da vent che producissan electricitad per 3'000 chasadas. Il project custass radund 20 milliuns francs e sustegness ils plans da l'Arena Alva d'avair in provediment d'electricitad uschè autarc sco pussaivel.

RR actualitad 12:00

Artitgels legids il pli savens