Siglir tar il cuntegn

Header

cuntegn

Surselva Valserwasser n'è betg intgantà da sondagis da la 7132 SA

La 7132 SA da Remo Stoffel ha inoltrà ina dumonda per far sondagis en la regiun dal Hotel Therme, là nua ch'il hotel, la tur da 381 meters autezza duess vegnir bajegiada.

Coca Cola la possessura da Valserwasser retira l'aua da Val ord la funtauna da son Pieder e questa funtauna pudess esser periclitada sch'i vegn furà en questa regiun.

L’entrada dal nov hotel cun la tur gigantica e tut da vaider
Legenda: Per francar la tur da 381 meters autezza dovri ils sondagis che mussan il terren en la profunditad mad

L’emprima sentupada tranter ils geologs da la 7132 SA e da l'aua da Val, pia Coca Cola, han gì lieu. Il president da vischnanca da Val, Stefan Schmid discurra d’ina regiun sensibla en la quala i duess vegnir furà, per far sondagis. Il scenari preferì da la vischnanca fiss ch’ils geologs da las duas partidas fissan perina. Quai n’è dentant betg il cas suenter l’emprima sentupada ha il pledader da medias da Coca Cola Patrik Bossart ditg, ch’el ha na possia betg sustegnair quella dumonda per sondagis. El sajan dentant vinavant pronts da discurrer cun la 7132 SA.

Ernst Senteler da la 7132 SA ha manegia che la dumonda per ils sondagis sa basia sin il discurs tranter il geolog da la Valserwasser e quel da la 7132 SA.

audio
Bunura: Valserwasser n'è betg d'accord cun sondagis
ord Actualitad dals 04.08.2015.
laschar ir. Durada: 2 minutas 12 Secundas.

La dispita pervia dals sondagis retardassi en mintga cas la votaziun da midada da zona per questa regiun, che era previsa quest atun ni sin il pli tard proxima primavaira.

Artitgels legids il pli savens