Val Son Pieder declera nunvalaivla iniziativa cunter Remo Stoffel

En Val Son Pieder ha il cussegl da vischnanca declerà nunvalaivla in'iniziativa cunter Remo Stoffel. Sco quai che la «Südostschweiz» rapporta pretenda l'iniziativa ch'il possessur da la Therme paja enavos a la vischnanca tant pli spert 6 miliuns francs, inclusiv tschains da retard.

bogn therme

Legenda da maletgs: La radunanza communala ha midà la situaziun da partenza, uschia che la pretensiun da 6 milliuns francs na saja betg v... RTR, L. Livers

Suenter che la radunanza communala ha decis dacurt da mo pretender 4,5 miliuns francs per la construcziun da la nova halla polivalenta, na saja l'iniziativa betg pli valaivla, argumentescha il cussegl communal. Uschia saja l'iniziativa giud maisa.

Ils iniziants han annunzià da trair vinavant questa decisiun a la dretgira administrativa grischuna, uschia che l'istorgia continuescha.

RR novitads 06:00