Siglir tar il cuntegn

Header

cuntegn

Surselva Val Sogn Pieder 2016: Gudogn da 125'300 francs

En Val Sogn Pieder ha la radunanza communala approvà venderdi saira il quint annunal dal 2016 che serra cun in gudogn da 125'300 francs.

Il quint annunal da la Val Sogn Pieder serra cun in plus da radund 125'000 francs quai tar entradas ed expensas da radund 9 milliuns francs. Prevesì aveva Val in gudogn pli che tschintg giadas pli aut per l'onn passà. Sco la vischnanca scriva hajan els dentant fatg amortisaziuns spezialas e lura stuì pajar enavos ad in'interpresa custs da forza electrica mess a quint memia aut.

Adattaziuns d'in contract da concessiun d'aua

En connex cun l'ovra idraulica pitschna e l'indriz da far naiv Leis - Val ha la radunanza communala dals 11 d'avrigl 2014 decidì in contract da concessiun d'aua. Pervia da midadas da project sto quest contract vegnir adattà: La quantitad d'aua per la producziun d'energia d'electrizitad munta nov maximal 250 liters per secunda (fin ussa 60 liters per secunda). La durada da retratga cumpiglia da nov il temp tranter ils 15 d'october ed ils 30 da mars (fin ussa 1. da november fin 30 da mars). la radunanza ha approvà questas midadas.

RTR novitads 06:00

Artitgels legids il pli savens