Suenter dus onns planisaziun ed avair evaluà set plazzals da bajegiar vegn il local da pumpiers ussa a Vattiz.
Ils pumpiers da la Lumnezia èn partids en trais secziuns. Fusiunar tut quellas en in lieu n'è betg pussaivel. Las distanzas èn memia lungas tranter oradim ed entadim la Lumnezia.
Architectura pretensiusa
Il nov bajetg sto vegnir integrads architectonicamain en il vitg da Vattiz. Ils planisaders han sparti la surfatscha da 620 meters quadrat en 3 bajetgs ch'èn dentant colliads in cun l’auter. Uschè èsi sta pussaivel d’integrar il nov bajetg en il maletg dal vitg.
Custs sut 2 milliuns francs
Ils custs per il nov bajetg èn calculats cun 1,95 milliuns francs. Il credit aveva la radunanza da vischnanca da la Lumnezia dà a chaschun da la radunanza communala ils 14 da december 2018.
RR actualitad 07:00