Siglir tar il cuntegn

Surselva Ulteriuras sairas d'infurmaziun per persvader la populaziun

En ca. trais mais – ils 27 da november 2016 - voteschan ils abitants da 17 vischnancas sur dal Parc Adula. Els voteschan sur da la charta nova respectiv sur dad in contract per 10 onns.

La gasetta da l'uniun Parc Adula
Legenda: La gasetta da l'uniun Parc Adula RTR, G. Hosang

Ils proxims dis lavura l’uniun Parc Adula anc vid ils detagls per la charta nova. Els hajan survegnì passa 80 brevs cun da quai da 650 propostas, ha il directur da l’uniun Martin Hilfiker ditg ad RTR.

Els hajan fatg midadas impurtantas (tgeninas n'ha el anc betg vulì dir), mo els na possian resguardar tut las propostas. La finala saja la charta in cumpromiss – quella vegn preschentada l’entschatta d’october.

Medemas leschas sco fin uss

En connex cun las discussiun pervia da la zona circumdanta punctuescha Martin Hilfiker – sco quai che era la cussegliera federala Doris Leuthard haja fatg – ch’i na dettia regulaziuns novas en la zona circumdanta. Là valian vinavant las medemas leschas sco fin ussa.

Ulteriuras sairas d'infurmaziun

Vers la fin d’october datti ulteriuras sairas d’infurmaziun e da discussiun en differentas vischnancas. Sco il directur da l’uniun Parc Adula di saja quai impurtant ch’els vegnian anc da persvader las persunas che na sajan anc sa decidas.

RR actualitad mezdi 12:00