L’inspecturat da scola ha evaluà il manaschi da la scola populara da Mustér. Il rapport dat in fitg bun attest a la scola da Mustér. I dat dentant tschertas allusiuns da singuls secturs che pon vegnir meglierads en il futur. Tranter auter è vegnì constatà che las cumpetenzas linguistas dals uffants cun ragischs portugaisas èn per part manglusas, surtut quai che pertutga il tudestg. Il problem saja enconuschent, ha ditg il mainascola da Mustér Kai Hinrichsen a l’Agentura da novitads rumantscha. Per quest motiv porschian las scolas da Mustér era lecziuns supplementaras a scolaras e scolars da la 5 e 6avla classa, sco er a scolaras e scolars dal stgalim superiur. La problematica duai vegnir discutada er tranter ils inspecturs dad auters districts da scola, ha ditg l’inspectur da scola Vigeli Jacomet a l’ANR.
RR novitads 21:00