Siglir tar il cuntegn
Inhalt

Surselva Tuttina betg campiunadis mundials da para ski a Sursaissa

La prova generala tar la cuppa europea da para ski alpin haja mussà mancanzas.

skiunzs para ski
Legenda: Sursaissa n'aspirescha betg pli per ils campiunadis mundials da para ski alpin 2019. MAD

Ils finals da la cuppa europeica da para ski alpin a Sursaissa valevan sco test, sche la regiun da skis è cababla d'organisar tals eveniments gronds – surtut en vista als campiunadis mundials da para ski alpin 2019. Las conclusiuns da quel test han ussa manà ils organisaturs da desister da campiunadis mundials, communitgescha Surselva Turissem.

Campiunadis professiunals na fissan betg stads pussaivels

Relevant per questa decisiun saja stà surtut organisaziun, infrastructura, alloschis confurms als basegns e la finanziaziun. Là avessia quai stuì dar meglieraziuns. Ils organisaturs na vesan però betg realistic da curreger quests puncts aifer il temp che resta anc. Cunquai che las correcturas èn tenor il comité d'organisaziun però indispensablas, n'aspirescha Sursaissa betg pli per ils campiunadis mundials.

RR novitads 16:00