Tujetsch quinta cun gudogn l'onn proxim

Venderdi ha la radunanza communala da la vischnanca da Tujetsch ha approvà il preventiv da l’auter onn che prevesa in gudogn da bunamain 227'000 francs.

Vista en direcziun Sedrun

Legenda da maletgs: ANR, H. Huonder

Er ha ella decis da laschar il pe da taglia sin 95% da la taglia chantunala simpla.

Plinavant han ils da Tujetsch approvà la cunvegna da prestaziun cun la Regiun Surselva en connex cun il Center da Furmaziun Surselva.

300'000 francs èn previs per la construcziun da rempars en Val Strem nua ch'igl ha dà l'entschatta da l'onn ina crudada da crappa. Ils custs totals per las lavurs en la Val Strem che cumpiglian pliras mesiras da segirtad muntan a 500'000 francs, da quai ch'ins ha gia investà 200'000 il 2016. Per l'entir project ha la vischnanca d'investar agens meds en summa da 87'500 francs.

RR novitads 10:00