Siglir tar il cuntegn

Header

Navigaziun

La chasa communala a Sedrun.
Legenda: La chasa communala a Sedrun. RTR
cuntegn

Surselva Tujetsch quinta 2016 cun in gudogn

Il preventiv 2016 da la vischnanca da Tujetsch quintà per l’onn che vegn cun in gudogn da 118'150 francs. Quai resulta dal messadi per mauns da la radunanza dal cussegl da vischnanca.

Las expensas muntan a 10'739'050 fr., las entradas a 10'857'200 fr. Las investiziuns bruttas èn previsas cun 3,19 milliuns. Il gudogn avant las deducziuns (cashflow) munta a ca. 430'000 francs.
Sco la suprastanza communala scriva, saja « la situaziun finanziala da la vischnanca Tujetsch buna. La facultad administrativa è pli u main scritta giu, ils daivets a mez e lung termin èn cun rodund 4 milliuns francs supportabels ed era la liquiditad è per il mument buna. »

Pli pauc cashflow

Mo perquai ch’il plazzal da la NEAT saja terminà vegnian ils cashflows (meds per investir) a sa mover ils proxims onns tranter 500'000 – 1'000'000 francs. Quai suenter onns cun cashflows da passa 3 milliuns. Pervia da la buna situaziun finanziala actuala saja quai dentant tuttina pussaivel da far las investiziuns necessarias. I vegnia dentant ad esser necessari da metter prioritads ed augmentar ils daivets (emprests).

Bogn Sedrun cun deficit

Il bogn Sedrun quinta en il preventiv 2016 cun in deficit da quasi 440'000 francs (quai tar expensas da 940'000 ed entradas da 500'000 fr.).