Siglir tar il cuntegn
Inhalt

Surselva Tujetsch – plevon en arrest

Sco quai ch'il pledader da medias da l’uvestgieu da Cuira Giuseppe Gracia ha confermà a RTR, ha l’uvestg denunzià il plevon – quai suenter in indizi d’in act chastiabel supponì cun ina persuna creschida en connex cun il dretg penal sexual.

La baselgia da Sedrun.
Legenda: La baselgia da Sedrun. Keystone

Il plevon administrativ da la plaiv da Tujetsch saja dapi il mardi, ils 15 da matg, en arrest d'inquisiziun, ha respundì Bruno Ulmi da la procuratura publica sin dumonda da RTR. Il tribunal da mesiras repressivas (Zwangsmassnahmen-gericht) haja ordinà in arrest d’inquisiziun da maximalmain trais mais. Basa per l'arrest saja la denunzia pervi d'in indizi d'in act chastiabel supponì cun ina persuna creschida en connex cun il dretg penal sexual.

La denunzia cunter il plevon administrativ era vegnida da l'uvestg da Cuira. Quai ha il pledader da medias da l’uvestgieu da Cuera, Giuseppe Gracia, confermà mardi avantmezdi a RTR.

Per l'accusà vala la presumziun d'innocenza.

RR novitads 12:00+