Legenda:
L'ustaria porscha plaz fin a 24 persunas.
RTR, G. Hosang
2 / 5
Legenda:
Mengia Monn ed Erwin Braunhofer en lur ustaria.
RTR, G. Hosang
3 / 5
Legenda:
Il giast po guardar co i vegn cuschinà.
RTR, G. Hosang
4 / 5
Legenda:
Mengia Monn ed Erwin Braunhofer sin la stgala cun il tiracucuns sco tschabargal.
RTR, G. Hosang
5 / 5
Legenda:
Il tschaler da vin che vegn era duvrà per far aperos.
RTR, G. Hosang
I na sa tracta betg d’in ustaria sco usità. Perquai er il num cuschina e betg ustaria, decleran Mengia Monn ed Erwin Braunhofer. Mangiar pon ins là, da mezdi u la saira, be sin empustaziun. Lura cuschinan ils dus ustiers in menu per lur giasts. «Nus n’avain betg in stil da cuschina specific», declera Erwin Braunhofer. «Nus cuschinain quai che nus mangiassan er gugent sche nus giessan a mangiar ordaifer».
L’ustaria è en lur atgna chasa, en las localitads d’ina scrinaria che na vegniva betg duvrada pli. L’idea avevan els gia daditg, ma i haja duvrà in zichel temp per realisar ella, di Mengia Monn. I saja er stà ina sfida da prender il maximum pussaivel or da las anteriuras localitads.
