Tujetsch: Gian-Reto Nufer è sulet candidat

A Tujetsch candidescha sulet Gian-Reto Nufer per il post vacant en la suprastanza communala.

Gian-Reto Nufer

Legenda da maletgs: Gian-Reto Nufer mad

Gian-Reto Nufer è scolast secundar a Sedrun e surpiglia a partir da l'onn da scola 2018/2019 la funcziun da mainascola en pensum parzial sper il dar scola. El candidescha per il post ch'è dapi il fanadur vacant. Lura aveva Christian Albin demissiunà curt suenter che la suprastanza era sa constituida per la nova perioda d'uffizi. La raschun era la repartiziun dals departaments.

Ils vischinadis avessan gì temp fin ils 20 d'october d'inoltrar ulteriurs candidats per il post en suprastanza. Quai n'è dentant betg stà il cas. Las elecziuns èn ils 26 da november.