Siglir tar il cuntegn
Inhalt

Surselva Tujetsch: Dunna (35) ferida grevamain tar accident en lavina

Ils dus viandants eran la dumengia avantmezdi cun lur gianellas en viadi dal pass da l'Alpsu vers la chamona Maighels, scriva la polizia chantunala en ina communicaziun da medias.

La lavina.
Legenda: La lavina da la dumengia vers mezdi. mad, pocha

Curt suenter las 11:45 è sa distatgada en in stretga sur ils dus viandants ina lavina ed ha stratg els cun ella. L'um (40) è vegnì sutterrà be levamain ed ha pudì clamar agid cun ses telefonin. Cun quai ch'el era vegnì ferì sez n'arrivava el betg da tschertgar la dunna.

Quella è vegnida chattada dad in chaun da lavina da la secziun Terri dal CAS in mez meter sut la naiv. En stadi critic è ella vegnida transportada da la Rega en l'ospital chantunal a Cuira. La polizia investighescha l'accident.

RR novitads 20:00