Siglir tar il cuntegn
Inhalt

Surselva Tujetsch di gea a la Residenza Dulezi

La radunanza communala da Tujetsch ha decidì cun clera maioritad da fundar in Residenza Dulezi SA. La societad ha l'intent da construir abitaziuns senza obstachels per senioras e seniors.

Ina visualisaziun da la residenza  Vischnanca da Tujetsch.
Legenda: Ina visualisaziun da la residenza Vischnanca da Tujetsch. MAD

La radunanza da vischnanca ha approvà cun 62 vuschs gea encunter 0 vuschs na ed ina abstenziun la fundaziun da la Residenza Dulezi SA e la finanziaziun.

Per realisar e finanziar il project ha il suveran da Tujetsch concedì diversas contribuziuns e garanzias da la vischnanca, tranter auter ina reserva da 2,9 milliuns francs ed in deposit da 100'000 francs per il chapital d'aczias. Plinavant conceda la vischnanca a la Residenza Dulezi SA il dretg da bajegiar per 50 onns. Per ils emprims diesch onns na sto la societad betg pajar tschains per il dretg da bajegiar.

Garascha ed il conturn

Plinavant ha la radunanza concedì in credit da 2,1 milliuns francs per construir la garascha, parcadis ed il plaz da la vart vest dal baject da la Residenza Dulezi.

RR novitads 12:00