Siglir tar il cuntegn
Inhalt

Surselva Tujetsch dat 840‘000 francs a Sedrun Mustér Turissem

Il cussegl da vischnanca da Tujetsch ha approvà il preventiv 2016. En quel è era risguardà la contribuziun da 840'000 francs a Sedrun Mustér Turissem (SMT). En l’emprima versiun dal preventiv eran mo 440'000 francs fixads, usché ch’il cussegl aveva refusà quel avant in mais.

Vopna da la vischnanca da Tujetsch
Legenda: Vopna da la vischnanca da Tujetsch RTR, H. Giger

Il quint current per 2016 preveda in gudogn da 118‘000 francs. Quai tar expensas da quasi 10‘740‘000 francs ed entradas da 10‘858‘000 francs. Il gudogn avant las deducziuns (cashflow) fa ca. 430'000 francs.
Plinavant ha il cussegl da vischnanca approvà il quint da menaschi dal Bogn Sedrun.
Il pe da taglia resta a 95 % da la taglia chantunala simpla, il pe da taglia sin schischon a 1,5 promil.