Siglir tar il cuntegn

Surselva Tujetsch cun in bun quint dal 2015

La vischnanca da Tujetsch serra il quint dal 2015 cun in surpli d’entradas da passa 350'000 francs, quai tar ina svieuta da 12,7 milliuns francs, scriva la suprastanza communala.

chasa communala da Tujetsch
Legenda: La vischnanca da Tujetsch serra cun in gudogn il quint dal 2015. RTR, G. Hosang

Las investiziuns nettas da la vischnanca han muntà a radund 967'000 francs ed han pudì vegnir curcladas cun agens meds, scriva l’Agentura da novitads rumantscha.Ils debits muntan a 3,18 milliuns francs per la fin da l'onn.

Il resultat legraivel saja d’attribuir ad entradas da taglia pli autas che previs ed a dapli entradas dal sectur d’energia, scriva la suprastanza da Tujetsch.

RR novitads 18:00