Tschernobyl/Surselva: Uffants vegnan per daventar pli resistents

Avant 30 onns è capitada la disgrazi'atomara a Tschernobyl. Paucs onns suenter hai dà in'uniun en Surselva che ha cumenzà ad organisar vacanzas per ils uffants da Tschernobyl.

La vacanzas en Svizra per ils uffants da la Bielorussia, en in basegns da quai è Corinne Weishaupt da Degen persvasa. Sco uffant avevan els adina giu a chasa da quels uffants da Tschernobyl ed ussa, sco sezza mamma, porscha ella vinavant quella pussaivladad.

Beat Erb è apotecher a Flem. El gida dapi 20 onns l‘uniun agid per Tschernobyl Surselva. El visita mintga onn la Bielorussia. Era per el resta quai in basegn, da prender da quels uffants en Svizra per in temps.

Il problem da quest pajais è ch'ils uffants n'enconuschan betg insatge auter che mangiativas contaminadas pervia da la disgrazia da Tschernobyl. Entras quai han els lur sistem d’immunitad che na funcziunescha betg bain. Per Beat Erb èsi fitg impurtant ch'els pon far questas vacanzas en Svizra. Uschia san el puspè bajegiar si il sistem d’immunitad.

RR actualitad 17:00