Siglir tar il cuntegn

Surselva Trun sa regorda dad Aluis Carigiet

Avant 30 onns è el mort, il pictur-artist dals cudeschs d'uffants Flurina, Zocla, Zila, Zepla ubain Maurus e Madlaina. Uss datti in'exposiziun speziala cun intginas da sias ovras.

In'ovra da Aluis Carigiet en il Museum Sursilvan Cuort Ligia Grischa.
Legenda: In'ovra dad Aluis Carigiet en il Museum Sursilvan Cuort Ligia Grischa. RTR, H. Giger
Giusep Decurtins cun ovras en il Museum Sursilvan Cuort Ligia Grischa.
Legenda: Giusep Decurtins cun ovras en il Museum Sursilvan Cuort Ligia Grischa. RTR, H. Giger

Il Museum Sursilvan Cuort Ligia Grischa organisescha in'exposiziun speziala per Aluis Carigiet. Questas ovras han vischins da Trun e conturn mess a disposiziun. Ins po vesair originals, maletgs dals cudeschs d'uffants, ubain era cartas da Bumaun cun texts da l'artist.

Aluis Carigiet è naschi 1902 e mort 1985. Schebain Giusep Decurtins che ha organisà l'exposiziun, sco er il president communal da Trun, Dumeni Tomaschett han enconuschì el. Giusep Decurtins di che surtut ils Giapunais vegnan a guardar las ovras dal pictur-artist. Dumeni Tomaschett di ch'el saja era enconuschent cun sias ovras ch'orneschan plirs bajetgs a Trun. Carigiet haja era purtà bler a la vischnanca, tranter auter sco bun padrin per las uniuns.
L'exposiziun cun ovras da Carigiet è averta fin ils 30 da matg 2015.