Surselva - Trun: Radunanza communala ha approvà il preventiv 2017
A Trun ha la radunanza communala approvà il preventiv 2017. Quel quinta cun in deficit d'in quart milliun francs tar expensas totalas da 7,3 milliuns francs.
Il pe da taglia resta sin 105%. Plinavant ha la radunanza communala approvà la revisiun parziala da la lescha davart votaziuns ed elecziuns. Era approvà ha la radunanza la cunvegna da prestaziun tranter la vischnanca da Trun e la Regiun Surselva pertutgant la gestiun dal Center da formaziun Surselva.
