La consequenza è ch’ils custs da producziun èn creschids per 0.48 raps a 7.47 raps per ura kilowatt. La svieuta munta a 1.14 milliuns francs (passa 160’000 francs pli pauc che l’onn avant). Il gudogn annual fa 40’000 francs (2015: 92’500 francs) ed il gudogn da bilantscha 64’000 francs (2015: 116’000 francs). Il chapital agen da l’ovra munta a 3.2 milliuns francs.
Trun survegn 129'000 francs
L’Ovra Ferrera ha fatg amortisaziuns da 305’000 francs e pajà 268’000 francs sco taxas da concessiun (2015: 326’000 francs). Chantun e vischnanca da Trun survegnan mintgamai passa 129’000 francs.
Il cussegl d’administraziun propona da distribuir ina dividenda da 1,25 % (37’500 francs).
Eleger cussegl d'administraziun
A la radunanza generala dals 19 da matg a Trun ston ils acziunaris tractar il rapport ed il quint annual 2016 ed era eleger il cussegl d’administraziun (proponids vegnan il president Donat Nay, Dumeni Tomaschett, Gian Paolo Lardi, Ignaz Schmed, Felix Vontobel e Achille Zala.
RR novitads 15:00