Siglir tar il cuntegn

Header

cuntegn

Surselva Trun: L'hotel Hospezi a Caltgadira duai vegnir vendì

Dapi 18 onns exista l’hotel Hospezi a Caltgadira/Nossadunna da la Glisch. Uss vulan ils possessurs Christian ed Ursula Weber vender ubain laschar a tschains el.

Blers products da Pro Specie Rara

L’hotel Hospezi porscha tschaveras cun products spezials, sco tartuffels blaus, reblas violettas, ragischs dultschas ubain tschagulas da son Giachen. Questas sorts da legums hajan ins emblidà, di Christian Weber. Els hajan prendì nanavant sorts veglias che sajan differentas la stad e l’enviern. En tut han ils Webers da quai da 150 sorts e dasperas tegnan els era animals da razzas veglias sco la capra grischa. Els collavuran cun Pro Specie Rara e Slow Food.

audio
Saira: Trun – Hospezi duai vegnir vendì
ord Actualitad dals 14.11.2016.
laschar ir. Durada: 3 minutas 9 Secundas.

Viver e producir al lieu

Pli baud lavuravan els a Turitg, Chrisitan Weber sco giurist ed Ursula Weber manava ina stizun da vestgadira. Els sajan vegnids a Nossadunna perquai ch’els na vulevan betg «ir a la lavur», mabain viver en il lieu nua pon lavurar ensemen sco um e dunna. Plaun a plaun saja l’idea naschida da sa nutrir da products dal lieu.

Sche pussaivel vender l'hotel

Mo uss veglian els chalar, di Christian Weber. Il motiv principal saja che quest concept da viver dovria forzas giuvnas. Ultra da quai hajan els problems cun la sanadad. Sche pussaivel veglian els vender l’hotel Hospezi.

RR actualitad 17:00

audio
Marella 11-05-2014
ord RTR Audio dals 15.11.2016.
laschar ir. Durada: 38 minutas 18 Secundas.
video
Telesguard 03-09-2012
Or da RTR dals 14.11.2016.
laschar ir. Durada: 4 minutas 2 Secundas.

Artitgels legids il pli savens