La lescha da parcar regla da nov il diever dals parcadis publics. Uschia n’èn quests betg pli gratuits. Tgi che fa diever dals parcadis publics ha da pajar ina taxa a la vischnanca. Quella munta per il diever durant l’entir onn 300 francs.
Gronda discussiun
Il cussegl da vischnanca aveva refusà l’emprim sboz da la lescha. Quai tranter auter perquai che las taxas eran tenor ils cussegliers memia autas. Suenter che la suprastanza ha adattà la lescha ed reducì las taxas ha il cussegl da vischnanca approvà la lescha per mauns da la votaziun a l’urna.