Siglir tar il cuntegn
Inhalt

Surselva Trun: Exposiziun da graficas en la Cuort Ligia Grischa

En la Cuort Ligia Grischa a Trun è vegnì avert sonda ils 22 d'avrigl ina nova exposiziun sur da graficas. La Druckwerkstatt Haldenstein preschenta ovras da 12 artistas ed artists.

Legende: Video Graficas stampadas abspielen. Laufzeit 04:46 Minuten.
Or da Actualitad video dals 23.04.2017.
Beat Stutzer sper sias duas ovras preferidas, ovras da l'artist Joachim Dierauer.
Legenda: Beat Stutzer sper sias duas ovras preferidas, ovras da l'artist Joachim Dierauer. RTR, C. Albin

Il pled d'introducziun tar quella exposiziun ha Beat Stutzer tegnì, l’anteriur directur dal Museum d'art dal Grischun ed anteriur conservatur dal museum Segantini a San Murezzan. Per el è quai ina speziala sort d'art, che pretenda da l’artist era ina buna savida pertutgant il stampar. Las pussaivladads da midar e sviluppar in maletg cun stampar el sajan fitg multifaras.

Exposiziun fitg varianta

Da l'exposiziun a Trun è Beat Stutzer incantà. Ils davos onns haja l'art da stampar graficas gì grev da chattar il public ch'ella avess atgnamain merità. La concurrenza entras las furmas d'art electronicas sco fotografia e video saja fitg gronda. Quell'exposiziun a Trun saja ideala per preschentar l'art da stampar graficas era a persunas ch'enconuschian buc quella furma d'art.

RR actualitad 06:00