Siglir tar il cuntegn

Header

cuntegn

Trun «Casa Carigiet» resta tuttina anc ils proxims mais

Ils possessurs da la «Casa Carigiet» a Trun avevan inoltrà ina dumonda da stgarpar giu la chasa arsa il favrer da quest onn. Perquai che quella n’era betg cumpletta ha la vischnanca da Trun tramess enavos la dumonda als possessurs. Ma ussa dettia interessents per la chasa.

audio
Mezdi: Casa Carigiet na vegn (anc) betg stgarpada giu
ord Actualitad dals 13.11.2019.
laschar ir. Durada: 5 minutas 48 Secundas.

Il mument na vegnia nagina dumonda da stgarpar giu il bajetg inoltrada, quai han ils possessurs confermà. La raschun saja ch'i ils potenzials investiders stoppian sclerir pliras chaussas. Lavurs da stgarpar giu il bajetg vegnan pajadas da l'assicuranza sulet sch'ellas vegnian fatgas en ina etappa e betg en duas.

Maisa radunda ha examinà pussaivladads

Ina maisa radunda clamada da la tgira da monuments grischuna haja examinà pussaivladads per ina limita da temps als potenzials cumpraders. Ils proxims 10 mais vegnian els ad examinar las pussaivladads e lura vegnian ins a decider co vinavant, scrivan ils possessurs.

Segirtad sto esser garantida

Sco il president da vischnanca da Trun Dumeni Tomaschett ha ditg saja impurtant che la segirtad saja garantida surtut per la via gist dasper la chasa en il quartier da Pustget. Ils possessurs scrivan ch'els veglian sclerir cun experts co segirar la chasa era per l'enviern ed ils proxims mais.

RR actualitad 12:00

Artitgels legids il pli savens