Siglir tar il cuntegn

Header

Navigaziun

plan da parcellas
Legenda: Survista da la situaziun en il center da Trin. (En colur: las trais stallas) mad
cuntegn

Surselva Trin vul cumprar trais stallas

Cun gronda maioritad ha la radunanza communala da Trin concedì in credit da 560'000 fr. per cumprar las trais stallas a l'ur da la plazza dal vitg. La finamira da la cumpra è da pudair far in project per ina nova plazza dal vitg. Emprims discurs cun ils possessurs èn fruntads sin interess.

Cunquai che las filialas da la posta e da la Banca Chantunala Grischuna vegnan serradas ha la suprastanza fatg ponderaziuns davart il svilup da la vischnanca, respectiv davart la vita en il vitg. Per far pli attractiv la plazza dal vitg e dar dapli vita a quella vul la suprastanza communala ellavurar in project. La cumpra dals bajetgs fiss in emprim pass.

Concedì ulteriurs credits

La radunanza communala ha er concedì ulteriurs credits: 150'000 fr. per dischloccar il conduct da pumpa da chanalisaziun Via Scarneras a Trin Digg e 40'000 fr. per dischloccar il conduct da pumpa. Plinavant han ils preschents decidì da surpigliar per 180'000 fr. la Via Rezga e da sanar ils conducts da l'ovra.

RR novitads 6:00