Il nov albiert per la giuventetgna a Trin fa part dal nov «center da guaud da muntogna». Las localitads veglias da la fundaziun guaud da muntogna vegnan renovadas dapi l'avust da l'onn passà. Dasper il plaz per il manaschi en la chasa datti lura era in albiert per participants da projects u per turists.
Ils albierts per la giuventetgna svizzers (SJH) ed era la fundaziun guaud da muntogna èn cuntents cun il nov project, damai che quai porschia ina buna cumplettaziun tar il center da guaud da muntogna. Il nov albiert vegnia a porscher duas finamiras. Ina giada po la fundaziun gia existenta nizzegiar l'albiert per projects ch'èn gia en mira. Da nov pon davent da la stagiun d'enviern 2017/2018 era turists far diever da l'albiert ed uschia emprender d'enconuscher il project da guaud da muntogna.
RR novitads 14:00