Siglir tar il cuntegn
cuntegn

Surselva Trin investescha 4 milliuns en lavuratori forestal cun Flem

La vischnanca da Trin po realisar il nov lavuratori forestal a Porclis tranter Trin e Trin Mulin. La radunanza communala ha approvà il credit necessari da quatter milliuns francs.

lavuratori sper la via chantunala
Legenda: Trin ha ditg gea a la finanziaziun dal nov lavuratori forestal communabel cun Flem. RTR, Carlo Albin

Quest project è vegnì necessari suenter che Trin e Flem avevan decis da metter ensemen lur manaschis forestals sin l'onn che vegn. Il suveran ha dà in cler gea al project da bajegiar enturn ed engrondir il lavuratori forestal a Trin Porclis. Il credit da 4 milliuns francs è approvà.

Quintà vegn ch'il chantun sustegnia il project cun 1,9 milliuns francs, uschia che Trin ha sut il stritg d'investir 2,1 milliuns. La vischnanca da Flem na sa participescha betg al project da construcziun. Funs e localitads èn en possess da la vischnanca da Trin, ed il lavuratori da Flem vegn a pajar tschains da locaziun.

Ultra da quai ha la radunanza communala da Trin approvà in credit da 50'000 francs per in parc da moviment per grond e pitschen.

RR novitads 06:00