Siglir tar il cuntegn
cuntegn

Surselva Trin introducescha meglieraziun generala

L'introducziun d'ina meglieraziun generala ha decis la radunanza communala cun 96 cunter 64 vuschs. Part a la meglieraziun fan sulet ils bains agriculs da Trin, Trin Digg e Trin Mulin. Alps, misès, guaud ed ils territoris abitads n'èn betg cumpigliads.

La vopna da la vischnanca da Trin.
Legenda: La vopna da la vischnanca da Trin. MAD

Plinavant ha la radunanza communala da Trin approvà il preventiv 2016. Quel fa quint cun in deficit da 143'000 francs tar expensas totalas da 6,6 milliuns francs. Lura ha il suveran tranter auter er concedì in credit da 570'000 francs per sanar la via Portalavanda.

Il pe da taglia resta per il 2016 senza midada sin 100% da la taglia chantunala simpla.

RR novitads 06:00