I na saja betg ina mesira da spargn, declera il pledader da medias Jan Bärwalde. Ins veglia simplamain engaschar il persunal là nua ch'i haja ils blers giasts. Il tschancun tranter Mustér ed Andermatt na saja dentant betg frequentà bain e perquai veglian ins stritgar ils chau-trens a partir da la midada d'urari dal december 2018.
La lavur dal chau-tren è sa midada
Il mastergn dal chau-tren saja sa midà ed uschia saja lur pensum betg exnum da controllar e vender bigliets, mabain da cussegliar ed accumpagnar ils viagiaturs declera Jan Bärwalde. Als tschintg chau-trens da Mustér hajan ins dentant garantì la plazza da lavur ed il lieu da lavur. Sche questas plazzas vegnan remplazzadas sch'insatgi banduna la viafier u va en pensiun n'è betg cler.
Collavuraturs èn critics
L'idea da stritgar ils chau-trens sin quest tschancun haja procurà per bler critica da vart dals collavuraturs, di Jan Bärwalde. Ins haja dentant anc temp in onn per chattar ina buna soluziun per realisar l'intent ensemen cun ils collavuraturs. Da vart da la segirtad saja gia ussa lubì dad ir sur il pass senza chau-tren. Ins veglia dentant anc guardar sch'i dovria adattaziuns.
RR actualitad 06:00