Siglir tar il cuntegn
Inhalt

Surselva Trenar cun stars sin il glatsch a Flem

Il «Super Sommer Camp» a Flem datti dapi 25 onns. Giuvens e giuvnas da 20 differents pajais, davent da l’Ucraina fin il Mexico s’inscuntran a Flem en il center da sport Prau la Selva. En il champ vegn purschì patinar artistic cun trenaders professiunals.

Legende: Video Princessas sin il glatsch: In camp da patinar a Flem abspielen. Laufzeit 01:21 Minuten.
Or da sil punct dals 11.08.2017.

Da la partida èn er Chiara e Morena Clopath da Haldenstein. Ellas treneschan davent da ballet, choreografia e cundiziun fin il patinar sez.

Stars sco trenaders

Las gruppas messas ensemen tenor prestaziun èn per las duas mattas d’avantatg. Uschia pon ellas perfecziunar aifer 2 emnas e mez ils sigls e cumbinaziuns da saut, e quai cun trenaderas sco Denise Biellmann u Elena Romanova.

Las duas mattatschas da Haldenstein èn satisfatgas dal camp ed ellas giaudan da pudair trenar ensemen sco soras. Las soras treneschan fin 6 giadas l’emna e quai stad ed enviern. Durant il temp che la halla da glatsch a Flem e serrada treneschan las mattas a Herisau u a Feldkirch en l’Austria.

La motivaziun da las duas mattas da vulair vegnir adina meglras è exemplarica, la cumparegliaziun internaziunala han ellas pudì sentir a Flem.

RR actualitad 17:00