Siglir tar il cuntegn
cuntegn

Surselva Tour de Suisse cun il Chor mischedau Suraua

In chantadur gira per la Svizra en tut las quatter regiuns linguisticas sin tschertga da novas chanzuns.

Il Chor mischedau Suraua durant in exercizi per il concert da primavaira.
Legenda: Il Chor mischedau Suraua durant in exercizi per il concert da primavaira. RTR, C. Albin

Il Chor mischedau Suraua preschenta quest onn en ses concert da primavaira ina Tour de Suisse cun chanzuns ord tut las 4 regiuns linguisticas. Il fil cotschen che maina atras il concert da primavaira dal chor è il viadi d'in chantadur atras la Svizra sin la tschertga da novas chanzuns. El na po simplamain betg pli chantar mo chanzuns rumantschas.

Las differentas chanzuns ord il rest da la Svizra na vegnan betg annunziadas sco usità d'in moderatur. Tranter ils blocs da chanzuns datti mintgamai ina pitschna scena da teater cun il chantadur viandant. En quellas scenas sa scuntra el cun persunas dal lieu nua ch'el sa chatta e chanta lura cun quellas persunas chanzuns tipicas per la regiun. La fin dal concert turna il chantadur dentant enavos en il Grischun, perquai che chantar en il Grischun è tuttina il pli bel.

Ord l'archiv

Il Chor mischedau da Suraua en l'emissiun «Fyraabig» preschentada da Sepp Trütsch (SRF 16-12-1988).

Legenda: Guardar il video «Nies lungatg» dal Chor mischedau da Suraua. Durada 01:45 minutas.
Or da RTR dals 16.12.1988.