Tir Chantunal 2018 – era Flem sa gida

Per la festa chantunala da Tir vegn spetgà da quai da 8'000 tiradurs che vegnan durant duas emnas en Surselva sin ils differents stans da sajettar.

Il logo mussa il Chardunet d'argient (Silberdistel) cun bindels en la colurs grisch mellen e blau sco il vopna dal chantun Grischun.

Legenda da maletgs: Il logo ina creaziun da Rudolf Mirer l'artist da Sursaissa. RTR/Linus Livers

Per la festa da Tir Chantunala stattan a disposiziun en Surselva:

  • 69 schibas da 300 meters
  • 8 da pistola 50 meters
  • 10 da pistola 25 meters
  • 12 schibas da 50 meters cun buis

Era Flem da la partida

Per la disciplina da 50 meters cun buis ha ì duvrà il stan da sajettar da Flem di Kevin Brunold il vicepresident dil comité d'organisaziun per il tir chantunal.

Questa disciplina 50 meters cun buis è ina disciplina olimpica, e vala perquai sco disciplina roiala d’igl avegnir. En Surselva dat i mo a Tavanasa-Pardiala ed a Flem in stan da 50 meters per buis.

Tut vegn pli simpel

Sco quai che Kevin Brunold ha ditg ad RTR, possian ils tiradurs sa registrar electronicamain cura e nua ch’els vulan sajettar il tir Chantunal. Quai sistem electronic vegn installà l'onn 2017. Entras quai possian ils organisaturs reagir svelt sche quai avess da mancar pussaivladads da sajettar.

La festa chantunala ha lieu a partir dals 15 da zercladur fin l'emprim da fanadur.

RR actualitad 17:00