Siglir tar il cuntegn
cuntegn

Surselva Tir chantunal 2018 è quasi vendì ora

Dapi ils 15 da december da las 14:00 pon tiraduras e tiradurs s'annunziar online per il tir chantunal. 5 dis pli tard aveva il comité d'organisaziun gia survegnì radund 5'800 annunzias.

Il logo dal tir chantunal 2018.
Legenda: Il logo dal tir chantunal 2018. RTR, L.Livers

Tenor ina communicaziun a las medias dal comité d'organisaziun dal tir chantunal 2018 en Surselva è l'interess da tiraduras e tiradurs fitg grond. Gia in'ura suenter ch'il portal d'internet per s'annunziar era avert, han ils organisaturs pudì dumbrar 2'000 annunzias.

Il comité d'organisaziun dal Tir Chantunal Grischun Surselva 2018.
Legenda: Il comité d'organisaziun dal Tir Chantunal Grischun Surselva 2018. mad

Aifer 5 dis èn radund 5'800 persunas s'inscrittas en las differentas categorias:

  • 5'500 per sajettar cun buis sin 300 m
  • 140 per sajettar cun buis sin 50 m
  • 160 per sajettar cun pistola

Malgrà quai grond interess na vegn il comité d'organisaziun dentant betg ad auzar il dumber da maximal 6'000 tiraduras e tiradurs per sajettar cun buis sin 300 m.

RR novitads 07:00