Siglir tar il cuntegn
Inhalt

Surselva Theophil Klaiss e ses hit «Sontga Maria»

Sia chanzun «Sontga Maria» è sin il podest tar la rotaziun da musica 2017 dal Radio Rumantsch. L'onn passà hai dà be duas chanzuns ch'ins ha udì pli savens sin nossas undas da radio.

Legende: Video Theophil Klaiss – en tschertga da l'istorgia davos il hit rumantsch abspielen. Laufzeit 03:47 Minuten.
Or da Telesguard dals 10.01.2018.

Theophil Klaiss ha edì avant 3 onns ses disc cun il titel «Regal». La chanzun Sontga Maria è ina da las sis chanzuns.

Tar il Radio Rumantsch è la chanzun sin dus differents podests:

  • I dat mo duas chanzuns ch’èn idas dapli sur nos emettur da RTR, «Shape of you» da Ed Sheeran e «Subeme la radio» da Enrique Inglesias. «Sontga Maria» è sin plaz trais da las rotaziuns. Varga 100 giadas è la chanzun ida sur l'emettur.
  • «Sontga Maria» è la chanzun ch'è vegnida giavischada il pli savens durant las gratulaziuns da RTR (69 giadas).

Nus avain contactà Theophil Klaiss per telefon e purtà ad el las bunas novas. Il chantadur modest da 70 onns ha respundì:

il cover da la disc da Theophil Klaiss
Legenda: il cover da la disc da Theophil Klaiss Theophil Klaiss
Quei plai a mi fetg! Cunzun fai plascher, ch'ei plai era ad auters. En sasez vaiel fatg la canzun mo per mei. Lu han differentas persunas annimau mei d'annunziar la canzun tier il radio, e lu ei quei semplamein capitau.

En tut datti 300 tocs dal disc ch'ins sa dentant betg cumprar. Ils discs regala el mo ad amis, enconuschents ed interessads. Daners vuless el betg per sia musica. El ha tradì a nus plain persvasiun:

Quellas canzuns ein mes sentiments. E sentiments vendel jeu buc. Gnanc per in milliun ni per ina milliarda.

Ils daners ch'el survegn per las rotaziuns sur l'emettur da radio da RTR regala el a persunas e cunzunt uffants che vivan en povradad.

RR actualitad 08:00