Siglir tar il cuntegn
Inhalt

Surselva Territori da skis Sursaissa/ Mundaun cun gudogn

La stagiun 2016/17 ha cumenzà tard ed è stada a fin baud - tuttina scriva il territori in gudogn da 160'000 frrancs.

Il territori da skis Sursaissa /Mundaun ha patì l'enviern passà da la mancanza da naiv. Era cun in minus da 5,8% skiunz hai tuttina anc tanschia per in gudogn da 160'000 francs.

Malgrà il digren da frequenzas han las amortisaziuns en il territori da skis pudì vegnir fatgas. Quai èn per las pendicularas dal Piz Mundaun 1,4 milliuns e per quellas da Sursaissa 1,6 milliuns francs. Sco quai che Josef Brunner, il president dad omaduas pendicularas scriva en ses rapport annual, han els plinavant pudì investir 1,4 milliuns ord agens meds en ina nova pendiculara.

Dividenda da 24 francs

Per las pendicularas da Sursaissa vegn pajà ora ina dividenda da 24 francs per aczia. La proposta d’utilisaziun dal retgav sto anc vegnir approvada da la radunanza generala da las duas pendicularas.

RR novitads 12:00