Siglir tar il cuntegn

Header

video
«Fascinaziun taunas» – cun Pepino e Rafael en il mund sutteran
Or da Cuntrasts dals 20.11.2022.
laschar ir. Durada: 24 minutas 5 Secundas.
cuntegn

Taunas en la Cadi Il mund sutterran da Pepino e Rafael

Stgir, fustg e stretg – quai è il mund da Rafael Maissen e Pepino Lozza. Suenter lur lavur sco mazler e mainaproject en in biro, perscruteschan els il mund sutterran en la Cadi ed en l'entira Svizra.

Il 2018 scuvert las taunas sin basa da ditgas

Sin basa da ditgas han els ditg encuretg in sistem da sfendaglias e grottas en la Cadi. La finala han els chattà quest sistem l'onn 2018. Ils ultims quatter onns èn els uss vida perscrutar questas grottas e sfendaglias. Per pudair s'orientar han els numnà las passaschas e sfendaglias «Bobo» 1 enfin 3, «Pätty» u «Raffi». Ils ultims dis han els schizunt chattà ina nova passascha ch'els numnan «RTR», pervia da nossa visita en lur tauna.

La finamira da questa grotta

Rafael e Pepino na vulan betg tradir a tuts, nua che lur grotta sa chatta, quai per na betg avair turists e persunas senza experientschaa en lur tauna. Uschia pon els garantir la segirtad per tuts. Pepino è stà en la colonna d'agid ed è pumpier, Rafael è medemamain pumpier ed ha experientscha d'alpinissem.

Il barat en la scena

Ils dus speleologs da hoby sa barattan cun persunas da l'entira Svizra e visitan er grottas e taunas en autras regiuns. Uschia pon els engrondir lur savida e rimnar nova experientscha. Lur tauna pon els uschia duvrar sco lieu d'exercizi d'ir enturn cun la suga ed il material da raiver, e da furar cugns en il grip.

audio
Impressiuns da Flavio Deflorin
ord Actualitad dals 09.06.2022.
laschar ir. Durada: 5 minutas 16 Secundas.

RTR actualitad 11:00

Artitgels legids il pli savens

Scrollar a sanestra Scrollar a dretga