Siglir tar il cuntegn

Header

cuntegn

Surselva Tartagnar placats

Avant las elecziuns federalas pendan blers placats da candidats. A tuts na plaschan quests sco ch’i para però betg.

Tartagnar placats cun inscripziuns ubain cun malegiar u tatgar insatge sisur è in donn da material e po vegnir denunzià a la polizia. Sco quai ch’il pledader da la polizia chantunala Thomas Hobi di, na vegn dentant betg fatg savens diever da questa pussaivladad. «Ins po dumbrar vid in maun las denunzias che vegnan fatgas per onn», declera Hobi.

audio
Bunura: Mustér – tartagnà placats da la PPS
ord Actualitad dals 11.09.2015.
laschar ir. Durada: 1 minuta 25 Secundas.

Be in pitschen delict

La polizia investighescha en il cas sch’i dat ina denunzia e fa in rapport per mauns da la procura publica.

I saja dentant fitg grev d'eruir e pudair cumprovar tgi che ha fatg il tartagnim. Sco Hobi di, sa tracta quai, tranter tut ils delicts pussaivels, dad in delict plitost pitschen. I dettia pli blera lavur e dapli custs da far ina denunzia che quai ch’i portia insatge.

Artitgels legids il pli savens