La regenza grischuna sustegn la promoziun dal svilup regiunal en la Cadi cun maximalmain 2,2 milliuns francs. Cundiziun è dentant ch'era la Confederaziun sa participescha cun maximalmain 2,4 milliuns francs.
Il svilup regiunal da la Cadi cumpiglia differents projects concrets, per exempel da renovar la chascharia a Breil, engrondir ils locals da fatschenta da la mazlaria Pally, renovar ina stizunetta sin in bain puril a Mompé Medel, realisar in'organisaziun centrala che distribuescha ils products etc.
Tut quests projects èn coordinads e duain contribuir al svilup da la regiun. La finamira è da stgaffir dapli lavur perlung l'entira chadaina d'elavuraziun – da l'agricultura tar l'elavuraziun fin tar il consument. Ils custs totals dal project muntan a 8,7 milliuns francs.