Siglir tar il cuntegn

Header

cuntegn

Surselva Indizis per digren da selvaschina pervia d'animals da rapina

En differents lieus da la Surselva datti indizis per ina reducziun da las populaziuns da chavriels e chamutschs. Quai ha declerà Arno Puorger, collavuratur academic da l'uffizi da chatscha e pestga per fatgs che pertutgan animals da rapina gronds, a la FMR.

En connex cun la preschientscha dal luf-tscherver e dal luf, haja l'uffizi constatà ina midada er en il cumportament da la selvaschina. Pervia dals animals da rapina saja la selvaschina pli precauta e sensibla. Quellas midadas sa mussian per exempel en asils da selvaschina en Surselva. En lieus nua ch'i ha pli baud dà blers animals, sajan quels vegnì pli stgars.

Al Calanda hajan ins constatà ina reducziun ferma dal dumber da chamutschs, dentant in augment nua ch'ils animals da rapina hajan main bain access. Cifras concretas na dettia però betg.

Quai che pertutga ils plans da la chatscha fetschia basegn da far localmain adattaziuns. Questas circumstanzas veglian ins resguardar en la planisaziun da la chatscha e las perscripziuns.

Ord l'archiv

audio
Monitoring da lufs-tscherver en il Grischun
ord Actualitad dals 16.12.2021.
laschar ir. Durada: 3 minutas 2 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga